ឯកឧត្តម ម៉ៅ ធនិន ចុះត្រួតពិនិត្យទីតាំងដំឡេីងទូរទស្សន៍ LED ខ្នាតធំ ត្រៀមទទួលភ្ញៀវទេសចរ ក្នុងពិធីបុណ្យសមុទ្រលើកទី១១
អត្ថបទ៖ ទ្រី ហៀន
ខេត្តកំពត៖ ឯកឧត្តម ម៉ៅ ធនិន អភិបាលខេត្តកំពត នាល្ងាចថ្ងៃទី៧ ខែវិច្ឆិកា ឆ្នាំ២០២៤ បានដឹកនាំ អាជ្ញាធរក្រុងកំពត មេភូមិ ចៅសង្កាត់ ចុះត្រួតពិនិត្យទីតាំងដែលតំឡេីងទូរទស្សន៍ LED ខ្នាតធំ និងដំណើរការនៃការស្ថាបនាផ្លូវប្របមាត់ព្រែកកំពង់បាយត្រេីយខាងលិច ចន្លោះស្ពានឥន្ទនូ តភ្ជាប់ជាមួយផ្លូវបេតុងដែលមានស្រាប់ (ចំណតទូកទេសចរណ៍ចាស់ ទល់មុខសេះសមុទ្របាញ់ទឹក) និងកែលម្អសោភ័ណភាពបន្ថែមទៀត សម្រាប់ត្រៀមទទួលភ្ញៀវទេសចរ ក្នុងឱកាសខេត្តកំពតធ្វើជាម្ចាស់ផ្ទះក្នុងការរៀបចំពិធីបុណ្យសមុទ្រលើកទី១១ ជុំទី៣ ដែលប្រារព្ធធ្វេីឡេីងនៅថ្ងៃទី១៣-១៥ ខែធ្នូ ឆ្នាំ២០២៤ ក្រោមប្រធានបទ "អបអរសាទរបេតិកភណ្ឌ និងចីរភាពនៃតំបន់ឆ្នេរ”។
សូមបញ្ជាក់ថា កម្មវិធីបើកជាផ្លូវការនឹងប្រព្រឹត្តឡើងនាថ្ងៃទី១៤ ខែធ្នូ ក្រោមអធិបតីភាពដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី-ហ៊ុន ម៉ាណែត៕
Post a Comment