រុស្ស៉ី និងបេឡារុស ត្រៀមចុះកិច្ចព្រមព្រៀងសន្តិសុខថ្មីមួយទៀត

 ប្រភព៖ Reuters

មូស្គូ៖ ប្រធានាធិបតីរុស្ស៉ី លោក វ្ល៉ាឌីមៀ ពូទីន និងប្រធានាធិបតីបេឡារុស លោក Alexander Lukashenko គ្រោងចុះហត្ថលេខាលើ កិច្ចព្រមព្រៀងសន្តិសុខដ៏សំខាន់មួយ នៅថ្ងៃសុក្រនេះ ដែលឆ្លុះបញ្ចាំងពីការផ្លាស់ប្តូរ ភូមិសាស្ត្រនយោបាយពិភពលោក។

កិច្ចព្រមព្រៀងមួយ នឹងស្ថិតក្នុងចំណោមឯកសារដ៏ទៃទៀត ដែលមេដឹកនាំទាំងពីរត្រូវចុះហត្ថលេខា នៅក្នុងរដ្ឋធានី Minsk របស់បេឡារុស ចំថ្ងៃខួប ២៥ឆ្នាំនៃអតីតសហភាពសូវៀត។​ មិនមានការលម្អិតអំពីកិច្ចព្រមព្រៀង ដែលគ្រោងចុះហត្ថលេខា នៅពេលខាងមុខនេះឡើយ។

ប្រព័ន្ធផ្សព្វផ្សាយរុស្ស៉ីបានដកស្រង់សម្តី លោក Igor Nazaruk អនុរដ្ឋមន្រ្តីការបរទេសរុស្ស៉ីដែលនិយាយថា «យើងកំពុងប្រមូលផ្តុំប្រធានបទ ដូចជាវិស័យសាធារណៈ សន្តិសុខសេដ្ឋកិច្ច និយាយរួមគឺអំពីការធានាស្ថិរភាព ក្នុងការអភិវឌ្ឍន៍សេដ្ឋកិច្ចរបស់យើង»។ លោកបន្ថែមថា «កិច្ចព្រមព្រៀងនោះ ត្រូវបានបង្កើតឡើងដោយពិចារណា ទៅលើលក្ខខណ្ឌខាងក្រៅដែលបានផ្លាស់ប្តូរ នៅពេលដែលពិភពលោក កំពុងឈានទៅកាន់សណ្តាប់ធ្នាប់ពហុនិយម នោះទើបតម្រូវឱ្យមានកិច្ចព្រមព្រៀងសន្តិសុខ​ រុស្ស៉ី-បេឡារុស»។

សូមជម្រាបថាក្រោមការដឹកនាំរបស់ លោក Lukashenko បេឡារុសធ្លាប់អនុញ្ញាតឱ្យរុស្ស៉ី ប្រើប្រាស់ទឹកដីរបស់ខ្លួនធ្វើជាទីតាំង វាយប្រហារចូលអ៊ុយក្រែន នៅដើមទីនៃសង្រ្គាមឈ្លានពាន កាលពីខែកុម្ភៈ ឆ្នាំ ២០២២៕